ശ്ലോകം 47 : സ്വേദാണ്ഡോത്ഭിജ്ജരായൂത്ഭവതനുപടലീ...
ചൊല്ലിയതു്‌ : വാസുദേവന്‍ തൃക്കഴിപുരം
സ്വേദാണ്ഡോത്ഭിജ്ജരായൂത്ഭവതനുപടലീ സാഗരദ്വീപശൈല-
വ്യാദീര്‍ണ ബ്രഹ്മഗോളപ്രചുരശതകുലം, നിന്നകത്താകമൂലം.
ആധാരാധാരമമ്മേ തവതനു, ചെറുതല്ലിന്ദ്രജാലം നിനച്ചാ-
ലാധേയാധേയവും മേ, അണുവിലുമയിതേ, നിത്യസാന്നിധ്യമൂലം.
സ്വേദാണ്ഡോത്ഭിജ്ജരായൂത്ഭവതനുപടലീ സാഗരദ്വീപശൈല-
വ്യാദീര്‍ണ ബ്രഹ്മഗോളപ്രചുരശതകുലം, നിന്നകത്താകമൂലം.
ആധാരാധാരമമ്മേ തവതനു, ചെറുതല്ലിന്ദ്രജാലം നിനച്ചാ-
ലാധേയാധേയവും മേ, അണുവിലുമയിതേ, നിത്യസാന്നിധ്യമൂലം.
posted by ഉമേഷ്::Umesh @ 1/19/2005 05:08:00 AM
1 Comments:
At 1/24/2005 01:35:00 AM,
ഉമേഷ്::Umesh said…
ഈ ശ്ലോകത്തിന്റെ അര്‍ത്ഥം:സ്വേദാണ്ഡോദ്ഭിജ്ജരായൂത്ഭവതനുപടലീ = സ്വേദ + അണ്ഡ + ഉത്ഭിത്‌ + ജരായു + ഉത്ഭവ + തനുപടലീ; വ്യാദീര്‍ണ്ണ = വിങ്ങിപ്പൊട്ടുന്ന
സ്വേദം (വിയര്‍പ്പു്‌), അണ്ഡം (മുട്ട) + ഉത്ഭിത്‌ (മുള) + ജരായു (ഗര്‍ഭപാത്രം) എനീവയില്‍ നിന്നു്‌ ഉത്ഭവിക്കുന്ന ശരീരങ്ങളും സമുദ്രങ്ങളും, ദ്വീപുകളും, പര്‍വ്വതങ്ങളും കൊണ്ടു വിങ്ങിപ്പൊട്ടുന്ന ബ്രഹ്മഗോളങ്ങള്‍ നൂറുകണക്കിനു നിന്റെ ഉള്ളിലുള്ളതുകൊണ്ടു്‌ നിന്റെ ശരീരം ആധാരങ്ങളുടെ ആധാരമാണു്‌. ഇവയിലെല്ലാം അടങ്ങിയിരിക്കുന്ന അണുക്കളിലും നീ കുടികൊള്ളുന്നതുകൊണ്ടു്‌ നീ ആധേയങ്ങളുടെ ആധേയവുമാണു്‌. എന്തൊരു ഇന്ദ്രജാലം!
അവലംബം : വാസുദേവന്‍ തൃക്കഴിപുരവും അദ്ദേഹത്തിന്റെ അപ്ഫനും കൂടി തയ്യാറാക്കിയ വ്യാഖ്യാനം.
Post a Comment
<< Home